مراتب الرجال .......

يا كثرهم لا قلت لك عرفت وجيه
ويا قلّهم لا قلت قدر ومعزّه
رجلٍ تعزه بعد ما تلتقي فيه
ورجلٍ قبل لا تلتقي به تعزّه
ورجلٍ ترزه بالمجالس مباديه
ورجلٍ فلوسه بالمجالس ترزّه
ورجلٍ يموت ولا يجيبون طاريه
ورجلٍ يجي طاريه في كل حزّه
ورجلٍ ضعيف ويستفزه معاديه
ورجلٍ كلام اعداه ما يستفزّه
ورجلٍ يهزه بعض موقف ويشقيه
ورجلٍ مهوب ايات موقف يهزّه
ورجلٍ تلزه يعترف لك بخافيه
ورجلٍ على خافيه محد يلزّه
ورجلٍ يوزونه ويزعل من يخيه
ورجلٍ يزعل من يحاول يوزّه
ورجلٍ تكزه لازم انك توصيه
ورجلٍ بليا ما توصيه كزّه
من لا فرش للمرجله ما تغطيه
ومن لا يخز الناس محد يخزّه

تحياتي لكم
حسون المزيون

صح لسانك يسلموووووووو لاتحرمنا جديدك

مشكور خيوا على الخاطره الجميله

ويعطيك الف عافيه

تحياتي القلب المجروح

ابيات اكثر من رائعه
دووم التميز والعطاء
بانتظار المزيد
تقبل مروري

اســيــر9الاتــي كتب:: صح لسانك يسلموووووووو لاتحرمنا جديدك

صح بدانك أخوي
يسلمو ع المرور بالموضوع
تحياتي لك
أخوك حسون المزيون

@القلب المجروح@ كتب:: مشكور خيوا على الخاطره الجميله

ويعطيك الف عافيه

تحياتي القلب المجروح

الله يعافيك أخوي
يسلمو ع المرور

يفوق الوصف كتب:: ابيات اكثر من رائعه
دووم التميز والعطاء
بانتظار المزيد
تقبل مروري

يسلمو ع المرور بالموضوع أخوي